WASHINGTON DC —
EleZimbabwe ngoLwesithathu lifikise umnyaka ngemva kokubulawa kwabantu abayisithupha ngamasotsha ngesikhathi betshengisela eHarare phezu kwempumela yokhetho.
Enanza lolusuku, umkhokheli weMDC uMnu Nelson Chamisa uthe okudanisayo yikuthi ababulala abantu laba kanye lalabo ababulala abantu abaphose befike amatshumi amabili ngoZibandlela kabakajeziswa lanxa ikhomishini eyayikhokhelwa nguMnu Kgalema Motlanthe yathi kumele bajeziswea.
Inengi likhala njalo ngokuthi lanxa sokwedlule umnyaka ukhetho lwenziwe, akulalutho uhulumende kaMongameli Emmerson Mnangagwa aselwenzile ukuthuthukisa impilo kazulu.
Ukuhlaziya loludaba sixhume isikhulumeli seMDC uMnu Daniel Molokele lelunga leZanu PF uMnu Believe Gaule onguye osungula lingxoxo.