amalinks wokungena

Breaking News

Idola leMelika Lokhu Lisetshesenziswa Lanxa Kulomthetho Owenqabela Lokhu


UMongameli EmmersonMnangagwa loMnu. Nelson Chamisa.
UMongameli EmmersonMnangagwa loMnu. Nelson Chamisa.

Lanxa kulomthetho owalela abantu ukuthi basebenzise imali yakwamnye amazwe amabhizimusi amanengi elokhu esamukela amadola eMelika, ama Rand akwele South Africa kwesinye isikhathi lamaPula eBotswana.

Osomabhizikumusi abanengi bathi kubanzima ukusebenzisa idola leZimbabwe ngoba besehluleka ukuthenga impahla ngalo phandle kwelizwe.

Umgcinisihlalo wenhlanganiso yezisebenzi, eye ZCTU, uMnu. Ambrose Sibindi uthi ngabe uhulumende uyayekela abantu baqhubeke besenzisa imali yakwamanye amazwe.

Edolobheni le Victoria Falls uhulumende wavumela amahotela labanye abenza imisebenzi yokwethekelwa kwelizwe ukuthi bahlawulise ngedola leMelika. Ukhansila wedolobho leli, uMnu. Ephias Mambume uthi umthetho wokungasebenzisi imali yakwamanye amazwe usubangele udubo kuzethekeleli ezivela kwamanye amazwe.

Sibuze uMambume ukuthi kanti vele izethekeli zihlawula ngani edolobheni leli njalo udubo lwemali lolu alucini luxotsha izethekeleli na?

Ingcwethi kwezenotho, uMnu. Richard Mahomva uthi kunzima ukusebenzisa idola le Zimbabwe ngoba lingatholakali lula. Simbuze ukuthi kungaba kuliqiniso na ukuthi bakhona abalokhu besebenzisa imali yakwamanye amazwe?

Ezinye ingcwethi kwezonotho zithi nxa ilizwe lingela mafekitali alungisa impahla lokunye okuthengiselwa amanye amazwe kuzahlala kunzima ukuthola idola leMelika okuzenza umnotho welizwe uqhubeke usiya nganxele.

please wait

No media source currently available

0:00 0:04:48 0:00

XS
SM
MD
LG