Umanyano wenhlanganiso ezizimeleyo oweMatabeleland Collective ukhala ngokuthi kulezisebenzi zehofisi kamsitheli ezikhuluma isiNdebele esezisuswe eLupane kwathi endaweni zazo kwafakwa abangenelisiyo ukukhuluma lolulimi.
Lumanyano, wona osuke wakhulumisana loMongameli Emmerson Mnangagwa ngodaba lweGukurahundi, uthi lokhu kuzabangela ukuthi amagama abantu alotshwe ngezipele ezingaqondanga ezithupheni lakumabirth certificates abo.
Ngokunjalo, uthi uhulumende kumele alungisise loludaba ngokuphangisa.
Abasuswe eLupane babikwa bethwaliswe nzima ngemva kokuveza inkohlakalo eyayisenziwa emahofisini la lapho abafuna ama-passports ababefumbathisa khona izisebenzi ukuze bawathole ngesiphangiphangi.
UChris Gande weStudio 7 uxoxe lelunga leMatabeleland Collective, uMnu Mbuso Fuzwayo, njalo ongowenhlanganiso yeIbhetshu Likazulu ukuze sizwe okunengi ngaloludaba.
