amalinks wokungena

Breaking News

Ukutshengisela KweMDC Kuzaphathisa Ngani?


Abalandeli bebandla le MDC.

Ukuqoqa ukutshengisela okufuna ukwenziwa libandla leMDC ngeviki ezayo sokutshiye abantu behlukane imbono ngenjongo njalo lokuthi kuzafeza na okufunwa libandla leli.

Ibandla leli lithi lizatshengisela ngokuthula ngoLwesihlanu oluzayo kuphela. Amapholisa azisiwe njalo athi awalankinga ngokutshengisela lokhu nxa kuzenziwa ngokuthula.

Ibandla leMDC lithethe lelinyathelo kulandela iviki eyodwa yokuzila lokuthandazela ilizwe obekukhuthazwe ngumkhokheli webandla leli, uMnu. Nelson Chamisa.

Ekuqaleni komnyaka inhlanganiso elwela ilungelo lezisebenzi eye ZCTU yaqoqa ukutshengisela okwacina kusiba lodlakela olwatshiya abantu abambalwa befile, izitol zigqekeziwe njalo abanye belimele ngemva kokungenela kwamasotsha.

Ukuhlaziya loludaba sixoxe lolwela ilungelo likazulu, uMnu. Josphat Ngulube endawonye lengcwethi ecubungula ezombusazwe, uMnu. Anglistone Sibanda onguye osungula lingxoxo.

please wait

No media source currently available

0:00 0:05:33 0:00

Facebook Forum

XS
SM
MD
LG