amalinks wokungena

Breaking News

Kwezabesifazane: Sixoxa loNkosikazi Jasmine Koks Toffa


Unkosikazi Jasmine Koks Toffa

Kuhelo lweziphathelane labesifazane lamhla sixoxa loNkosikazi Jasmine Toffa isiphathamandla sebandla leMDC okhankasela ukuthi abantwana bathole incwadi zokuzalwa, ama birth certificates.

"Edale lephalamende siyakhuluma ngakho laku SADC parliamentary forum siyakhuluma ngakho. Kulohlelo oluthiwa SADC oluthiwa yi statelessness. Kuzakuba lezigaba ezithiwa yimodel law okuzenza ukuthi kungabi lumuntu ongela birth certifiate," kutsho uToffa.

Uthi wahamba komsitheli wayakhuluma ngodoba lolu bamtshela ukuthi kulobunzima lokuthi kuphongukuphiwa umuntu nje ngoba kulokwesabela ukuthi kungathola abanye abantu abalenjongo ezingangalunganga.

Uthi uzasebenzisa umthetho omutsha owe Marriages Bill ohlaziywayo ukuthi angenise udaba lokutholwa kwama birth certificate kwabantwana kunye labadala abayabe bengela ncwadi lezi.

"Sokulezinto ezithile esenza ukuthi abantu bathole ama birth certificate lula. Umthetho ubusithi umama eyedwa kumbe ubaba eyedwa kenelisi ukuthatha ibirth certificate," kutsho uToffa.

Uthi wakhulumisana lomkamongameli welizwe, uNkosikazi Auxillia Mnangagwa ngaloludaba njalo ukhangelele ukuqhubeka ekhulumisana lamanye amalunga edale lephalamende.

please wait

No media source currently available

0:00 0:05:11 0:00

Facebook Forum

XS
SM
MD
LG