amalinks wokungena

Breaking News

Umgcinisihlalo weMDC uThabitha Khumalo Labanye Babotshelwe 'Icala' Lokuthi iZanu PF Yaqilibezela Kukhetho Luka2018


Movement for Democratic Change (MDC) supporters hold a poster of leader Nelson Chamisa during the party's 19th-anniversary celebrations in Harare, Zimbabwe, Saturday, Oct. 27, 2018.
Movement for Democratic Change (MDC) supporters hold a poster of leader Nelson Chamisa during the party's 19th-anniversary celebrations in Harare, Zimbabwe, Saturday, Oct. 27, 2018.

Amapholisa akoBulawayo ngoMgqibelo abophe amalunga eMDC agoqela umgcinisihlalo walelibandla uNkosazana Thabitha Khumalo loSenator Tsepiso Mpofu ebethesa icala lokuqamba amanga ngokuthi kwaba lokuqilibezela kukhetho luka2018.

UMaKhumalo labanye bakhe babotshelwe elokitshini leTshabalala lapho ababikwa bebeyechasisela uzulu ngokutshengisela okuqoqwa libandla labo koBulawayo ngoMvulo.

Abanye ababotshwe loMaKhumalo loMaMpofu babalisa uMeliqiniso Sithole, uEmot Mujeri, uTinashe Matimbura, uShelton Tembo loTendai Musotsha.

Inhlanganiso yamagqwetha alwela amalungelo oluntu, eyeZimbabwe Lawyers for Human Rights ithi abasolwa bazathonisiswa phansi komthetho weCriminal Law (Codification and Reform) Act.

Icala leli lisukela embikweni weMDC osemagwalibeni amema abantu bakoBulawayo ukuthi baphatheke kuhlelo lokutshengisela ngoMvulo besola uhulumende phezu “kokuntshontshwa kokhetho luka2018” lokwehluleka kwakhe ukuvuselela umnotho.

Igwaliba elilombiko obophise umgcinisihlalo weMDC uNkosazana Thabitha Khumalo labanye bakhe ngoMgqibelo.
Igwaliba elilombiko obophise umgcinisihlalo weMDC uNkosazana Thabitha Khumalo labanye bakhe ngoMgqibelo.

Ukubotshwa kwabantu laba kuza ngemva kokubotshwa kwamanye njalo amalunga eMDC afika phose ikhulu eHarare ngoLwesihlanu ngesikhathi ezama ukuphatheka ekutshengiseleni obekuqoqwe libandla labo.

Isikhulumeli salelibandla koBulawayo uMnu Swithern Chiroodza utshele iStudio 7 ukuthi ukubotshwa kukaMaKhumalo labanye bakhe yimizamo yamapholisa yokuphazamisa ukutshengisela kwabo kulelidolobho.

please wait

No media source currently available

0:00 0:02:09 0:00

XS
SM
MD
LG