amalinks wokungena

Breaking News

Ihofisi yeNkosi uBulelani Khumalo Ithi Induna uKhayisa Kwakungamelanga Ibotshwe


Inkosi u Bulelani Lobhengula Khumalo lenduna uNhlanhla Ndiweni

Ihofisi yedale lenkosi yamaNdebele, uBulelani Lobhengula Khumalo ithi uNduna uNdiweni bekungamelanga athoniswe ngesingqumo asithathayo esabangela ukuthi abotshwe kodwa ukuthi isinqumo sibe yiso esiba ludaba oluthoniswayo.

Ihofisi le yethule umbiko okhuthaza iziphathamandla zikahulumende ukuthi zikhulule uNdiweni nxa kulensolo ngesinqumo asithathayo sihlaziywe andubana kuthathwe amanyathelo afana lalawo athathwa nxa umantshi kumbe umahluli ephosise ekuthoniseni lokwethula isinqumo emthethwandaba hatshi ukumbopha avalelwe ejele.

Isikhulumeli sehofisi le, uMnu. Effie Dlela Ncube utshele iStudio Seven ukuthi basebenzelana lamagqwetha kaNdiweni ukuthi akhululwe.

“Sithi ukubotshwa kwenduna akuqondanga. Induna umsebenzi ibingawenzi inguNhlanhla Ndiweni ibiwenza iyinduna uNhlanhla Ndiweni okutsho ukuthi ubesemsebenzini egweba esemsebenzini,” kutsho uNcube.

UNcube uthi nxa kuyikuthi isinqumo lesi besingemukelwanga kahle bekumele sidluliselwe phambili emthethwandaba olandelayo.

Uncube uthi kumele kunanzelelwe ukuthi ngalolosuku esipha isinqumo wayengumantshi ngalokho kumele loludaba luthathwe njalo hatshi ukumvalela entilongweni engezelela esithi waysemsebhenzini wezamasiko.

please wait

No media source currently available

0:00 0:03:19 0:00

Facebook Forum

XS
SM
MD
LG