Ipholisa elimhlophe, uDaniel Pantaleo, owakhama onsundu, uEric Garner ngengalo, waze wafa, lixotshiwe umsebenzi izolo ngemva kweminyaka emihlanu kwenzakala lesi sehlakalo.
UGarner wayezithengisela igwayi walandwa ngamapholisa amahlanu, uPantaleo wamdumela wamkhama wazwakala esithi angisaphefumili kodwa uPaleo wala elokhu emklinyile waze wafa.
Isehlakalo lesi ngesinye esatshiya eleMelika lizibuza ngokwanda kwenani labensundu ababulawa ngamapholisa amhlophe okwapha idlabuzane inhlanganiso elwele ilungelo labensundu ethiwa Black Lives Matter.
Linhlanganiso ithi impilo yabensundu ayiqakathekiswa ngamapholisa amhlophe. Kodwa wona amapholisa amhlophe lawo athi abensundu balezibhamu njalo abanye bayake babulalale abanye babo.
Ukuhlaziya loludaba sixoxe lesizalwane seZimbabwe esihlala ngapha kwelemelika, umnu. Raphael Mthombeni.
