Amagqwetha amela induna yeNtabazinduna, uMnu. Felix Nhlanhlayamangwe Ndiweni athi amelele ukuzwa isinqumo somthethwandaba weHigh Court namuhla ekuseni kulandela ukukhweza kwawo isicelo sokuphikisa ukufunyanwa kwakhe elecala ngeviki edluleyo, kanye lesokuthi akhululwe ngesibambiso se bail kusahluzwa lesosicelo.
Omunye wamagwetha kaNdiweni, uMnu. Dumisani Dube uveze ukuba imota ka Ndiweni, ebitshayelwa yisihlobo sakhe, ihlasele yabhidlizwe ngabantu abangaziwayo.
Uthi njalo okunye bangakuzwisisyo yikuthi incwadi zikaNdiweni ezemthethwandaba bezikhiyelwe lapho ebezingatholakali lula, okulinyathelo elingajwayelekanga.
UNdiweni wetheswa icala lokubhidliza impahla yesakhamuzi esigabeni sakhe, esibikwa singalandelanga isigwebo sakhe njengenduna. UNdiweni ugwetshelwe ukupika umnyaka olengxenye entolongweni ye Khami lapho avalelwe khona lezigilamkhuba.
UDube uchasisela uSithandekile Mhlanga weStudio 7 okunengi ngaloludaba.
