amalinks wokungena

Breaking News

Ngemva Kokwehluleka Ukutshengisela uChamisa Selubhekise eChina leRussia


UMNu. Nelson Chamisa.

Umkhokheli webandla leMDC, uMnu. Nelson Chamisa ubikwa elungiselela ukuya kwele Russia lase China ngemva kokuvinjwa kwamalunga ebandla lakhe ukuthi atshengisele eHarare, koBulawayo, eGweru, leMasvingo obekumele kuthengiselwe namhla.

Iphephandaba lakwele Russia, elithiwa Sputnik lithi uChamisa ukhangelelwe ukuyakhulumisana leziphathamandla zalelolizwe emizameni yokulungisisa udaba lwe Zimbabwe.

Abazi ngokwenzkala kubandla leMDC bathi ukutshengisela bekuyindlela yakuqala yohlelo lwebandla leMDC emizameni yokukhulumisana kwenkokheli yezombusazwe.

Ukuya emazweni angentshonalanga linyathelo lesibili, kutsho abazi ngokwenzakala kulelibandla.

Ukutshengisela kukhanya kwehlule ngoba uhulumende ethele amapholisa lamasotsha emgwaqweni yamadolobho.

Ingcwethi ezicubungula ezombusazwe zithi ngabe uhulumende uyavumela abantu ukuthi befole bemtshele zikhalazo zabo ngoba bengacina bemvukela.

Ukucubungula loludaba, uSithandekile Mhlanga weStudio 7 uxoxe loMnu. Ambrose Sibindi, umgcinisihlalo wenhlanganiso yeBulawayo Progressive Residents Association.

please wait

No media source currently available

0:00 0:03:33 0:00

Facebook Forum

XS
SM
MD
LG