amalinks wokungena

Breaking News

MDC: Ikhomishini Yenkohlakalo Esibunjwe yiZanu PF Ijonge Ukuvikela Abangane bakaMnangagwa


Zimbabwe President Emmerson Mnangagwa addresses ruling ZANU-PF party supporters in Zvimba, Robert Mugabe’s rural home, about 100 km southwest of Harare, Nov. 24, 2018. (C. Mavhunga/VOA)

Ibandla leMDC selisole iZanu PF ngokubumba ikhomishini ezaphenya amacala enkohlakalo etheswa iziphathamandla zebandla elibusayo khona kulekhomishini evele ikhangelane lokulwisana lenkohlakalo elizweni eyeZimbabwe Anti-Corruption Commission.

Ikhomishini yeZanu PF le ilamalunga alitshumi avela kuzabelo zonke zelizwe.

Amalunga ayo abalisa uWilliam Mutomba oweManicaland, uSheilla Mabasa oweMashonaland West, uHillary Masaiti Mombeshora oweMashonaland Central, uMax Zvidzai oweMidlands, uTshinga Dube owaBulawayo, uRodwell Zinyemba oweMashonaland East, uSibangumuzi Khumalo oweMatabeleland North, uPatrick Hove oweMatabeleland South loClemence Makwarimba oweMasvingo.

UMongameli Emmerson Mnangagwa wazise ngokubunjwa kwekhomishini le kulandela ukwetheswa amacala enkohlakalo kweziphathamandla zeZanu PF ezigoqela uMnu Obert Mpofu loNkosikazi Prisca Mupfumira ngabasakhulayo balelibandla.

UMupfumira ubotshwe ngenyanga edluleyo njalo oqhubeka evalelwe eChikurubi Maximum Prison eHarare. UMnu Mpofu yena kakabotshwa.

Umgcinisihlalo weMDC eMatabeleland North uMnu Prince Dubeko Sibanda uthi ikhomishini yeZanu PF le ijonge nje ukuvikela iziphathamandla ezilobudlelwano loMnangagwa lokwethusela abangaba bephikisana laye kubandla lakhe.

please wait

No media source currently available

0:00 0:02:12 0:00

Kodwa isiphathamandla seZanu PF uMnu Believe Gaule ukulandule lokhu esithi ikhomishini yebandla lakhe le kayisoze iphazamise umsebenzi weZimbabwe Anti-Corruption Commission.

Facebook Forum

XS
SM
MD
LG