amalinks wokungena

Breaking News

UKuthunjwa Lokutshaywa Kwamalunga eMDC Kuqhubekela Phambili


Umlingisi, uSamatha Kureya, oyazakala ngelokuthi Gonyeti laye uthunjiwe watshaywa.

Ukuthunjwa lokutshaywa kwabalembono ehlukene lekahulumende, ikakhulu amalunga ebandla leMDC, okuqale phambilini kokutshengisela okungasaphumelelanga ngoba kuvinjiwe, kuyaqhubekela phambili.

Osekukhanya yikuthi engaswelakala abafuna ukumthumba bayathatha yingqe abamtholileyo bahambe laye bamtshaye bamhlukuluze.

Izolo ebusuku abantu abakade bezivale ubuso behlome ngemibhobho bathumbe umlingisi owazakala ngokuthi ngu Gonyethi, uSamantha Kureya, bamtshaya kabuhlungu basebemphosela enkampbeni yamapholisa elimele okwesabekayo.

UGonyethi usa yethula umdlalo okhuluma ngocuku lwamapholisa ngesikhathi sokutshengisela.

KoBulawayo ngoMvulo bazame ukuthumba umka khansila we Nketha olilunga leMDC, uMnu. Arnold Batsirayi, ophunyukileyo kodwa esetshayiwe.

Kuthi ngelanga linye unobhala jikelele wogatsha lwabatsha kulelibandla uMnu. Pashor Raphael Sibanda uthi wayedingwa ngabacatshangelwa ukuthi ngamapholisa ensitha awe CIO abathi sebemswele, bathumba uyise bamtshaya kakubi bamtshiya emangcwabeni eLuveve duzane leCowdray Park emadabukabusa.

UMnu. Sibanda utshele uSithandekile Mhlanga weStudio 7 ukuthi ulokhe ecatshile njalo ibandla lakhe lilungiselela ukuyabika loludaba emapholiseni.

please wait

No media source currently available

0:00 0:02:45 0:00

Facebook Forum

XS
SM
MD
LG