amalinks wokungena

Breaking News

Uhulumende Ukhwezele Izisebenzi Zakhe Iholo Laya ku$1,000, Kodwa Zona Zithi Zifuna i$4,000


Uhulumende uthi uzakwengezelela iholo lezisebenzi zakhe ngesilinganiso sokungamatshumi ayisikhombisa lasithupha ekhulwini, i76 percent.

Wazise ngalokhu emhlanganweni awenze leziphathamandla zenhlanganizo yezisebenzi zikahulumende eyeApex Council eHarare ngoLwesihlanu.

Lokhu kutsho ukuthi iholo lesisebenzi esithola imali ephansi lizakhuphuka lisuka ku$582, 00 laya ku$1023.00.

Kodwa iApex Council ithi incane kakhulu limali. Inhlanganiso le itshele iziphathamandla zikahulumende ukuthi isayakhulumisana lezisebenzi.

Isiphathamandla senhlanganiso emala ababalisi eyeZimta uMnu Richard Gundane utshele iStudio 7 ukuthi bafuna iholo labo likhutshulwe liye phezu kwenkulungwane ezine, i$4,000.

Facebook Forum

XS
SM
MD
LG