amalinks wokungena

Breaking News

Idale leHigh Court Namuhla Lizahluza Isicelo sikaNdiweni Esokuthi Akhululwe Ngemali Yesibambiso


Induna yeNtabazinduna uMnu Felix Nhlanhlayamangwe Ndiweni

Umthethwandaba weHigh Court koBulawayo namuhla uzahluza isicelo senduna uMnu Felix Nhlanhlayamangwe Ndiweni esokuthi akhululwe ejele ngemali yesibambiso, i-bail, esaphikisa isigwebo sakhe.

UMnu Ndiweni, oyinduna yeNtabazinduna, ufunyanwe yinkantolo kamantshi kumaviki amabili edluleyo elecala lokubhidliza impahla yesinye isakhamusi esasisala ukulandela isinqumo sedale lakhe wasegwetshelwa ukupika okomnyaka owodwa olengxenye.

Usejele leKhami sikhuluma nje. Kodwa uzakuba seHigh Court ngehola letshumi ekuseni namuhla lapho umahluli azahlaziya khona isicelo sakhe abesesitsho ke ukuthi uyakhululwa yini kumbe hatshi.

Igqwetha lakhe uMnu Dumisani Dube utshele uSithandekile Mhlanga weStudio 7 ukuthi kasiboni isizatho esingenza iHigh Court yale ukukhulula uMnu Ndiweni.

please wait

No media source currently available

0:00 0:02:33 0:00

Facebook Forum

XS
SM
MD
LG