IHigh Court Izanquma Namuhla Ukuthi uNdiweni Uyakhululwa Yini Kumbe Hatshi

Induna uMnu Felix Nhlanhlayamangwe Ndiweni uzabuyela njalo emthethwandaba weHigh Court namuhla ukuyakuzwa ukuthi umahluli uyasivumela na isicelo sakhe sokuthi akhululwe ngesibambiso se-bail.

Umahluli othetha loludaba, uMnu Joseph Mabhikwa, wehlulekile ukwahlulela izolo ngoba ubengaphiwanga isinqumo sikamantshi owethesa uNdiweni isigwebo sokupika okomnyaka olengxenye.

UMnu Ndiweni wafunyanwa elecala lokubhidliza impahla yesinye isakhamuzi esasisala ukulandela isinqumo senkundla yakhe.

UNdiweni, oyinduna yeNtabazinduna, uqale ukupika eKhami prison kumaviki amabili eduleyo.

Emthethwandaba weHigh Court uphikisa ukutholakala kwakhe elecala kanye lesigwebo asiphiwayo.

Amagqwetha kaNdiweni agoqela uMnu Welshman Ncube, uMnu Josphat Tshuma loMnu Dumisani Dube.

UMnu Effie Dlela Ncube, oyisikhulumeli sehofisi yeNkosi yesizwe saMandebele, uMnu Bulelani Lobhengula Khumalo uchasisele uChris Gande weStudio 7 okunengi ngaloludaba.

Embed share

Ingxoxo loMnu Effie Dlela Ncube

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:03:03 0:00

Lapho esitholakala khona

• 16 kbps | MP3
• 32 kbps | MP3
• 48 kbps | MP3

Ukudlala