amalinks wokungena

Breaking News

Kuqhamuka Udlakela eSouth Africa Kudaba Lokulwisana Labokuza


Amapholisa elizwisana labantu eSouth Africa.

Kuqhamuke udlakela edolobheni le Pretoria kwele South Africa kwadutshulwa omunye umtshayeli wama taxi wafa.

Loludlakela lubikwa luqale kulandela ukubulawa komunye umtshayeli wama taxi ngabacatshengelwa ukuthi ngabokuza.

Osotkisi laba babikwa beqale ngeviki edluleyo ukugudala abacatshangelwa ukuthi bathengisa izidakamizwa.

Imigwaqo ibivaliwe ngamataxi njalo lesitimela esivela edolobheni le Cape Town sisiya eJohannesburg besingenelisi ukuhamba ngenxa yodlakela lolu.

Abantu bangene ezitolo batshisa amathaya ezimota. Kodwa amapholisa afike adubula abantu laba ngenhlamvu ze rubber bahaza lentuthu ehitshayo ukuze benelise ukuletha ukuthula.

UChris Gande weStudio Seven uxoxe lomgcinisihlalo wenhlanganiso yezizalwane zokuza kwele South Africa, eye Africa Diaspora Forum, uMnu. Vusumuzi Sibanda othi bakhangelele ukuthi udlakela oluqondiswe kwabokuza luqhubekele phambili kunyanga ezilandelayo.

please wait

No media source currently available

0:00 0:03:24 0:00

Facebook Forum

XS
SM
MD
LG