WASHINGTON DC —
Ibandla leMDC lithi namhla livinjiwe ukutshengisela edolobheni le Chinhoyi lemaphandleni eMagunje kusasa. Lokhu kwenzakala lanxa lelibandla livinjiwe emadolobheni amanengi elizwe agoqela eHarare lakoBulawayo.
Kodwa abanye abasekeli bebandla leli bathi inkokheli iyehluleka ukunika abalandeli idlabuzane lokuthi batshengisela okungabamba uhulumende ngamandla ukuthi alalele njalo bebanengi.
Okunye okusolwa ngabasekeli balelibandla yikuthi ngesikhathi kutshengiselwa inkokheli ayibonakali kusale abasekeli bodwa bebhaxabulwa ngamapholisa.
Ukuhlaziya loludaba sixoxe lengcwethi ecubungula ezombusazwe, uMnu. Benard Bhekilizwe Ndlovu endawonye lesiphathamandla sebandla leMDC, uMnu. Edwin Ndlovu onguye osungula lingxoxo.
