amalinks wokungena

Breaking News

Kuyanyakazela Ngamapholisa Asegcwele Emadolobheni


Abantu bedlula amapholisa.

Kuyanyakazela ngamapholisa emadolobheni amakhulu abalisa iHarare, Bulawayo Gweru lamanye.

Kwezinye indawo ezifana lasemthethwandaba we High Court ko Bulawayo, sezihlala zingezigqagqelweyo ngamapholisa angavumeli abantu ukuthi baqume.

Sixoxe lomgcinisihlalo wenhlanganiso yezakhamizi, eye Bulawayo Progressive Residents’ Association, uMnu. Ambrose Sibindi othi kwezinye indawo kulamasotsha ami lamapholisa.

“Ye kuliqiniso. Kuthe kuvuka kuyizolo abantu bathe bevuka bathola ukuthi amapholisa avale imigwaqo ungangena lapho phakathi edolobheni amapholisa agcwele iganga lonke. Laphana ufika kobo Tredgold ku High court vele kuvaliwe akungeneki,” kutsho uSibindi.

Uthi kwezinye indawo kubonakala izimota ezinkulu ezifafaza amanzi ababayo kube lamasotsha kwezinye indawo.

USibindi uthi abantu sebebuzana ukuthi kwenzakalani ngoba bengelampendulo.

“Abantu bayazihambela nje kodwa uzathola ukuthi eminye imigwaqo iyabe ivaliwe ungazama ukuya khona lapho usungathi usuthwaliswanzima. Ngezinye indlela lanxa ungabuzwanga kodwa ungazama ukuthi usebenzise umgwaqo utshelwe ukuthi hatshi amalungelo akho ayabe ehlukuluziwe,” kutsho uSibindi.

Uthi lapho okubuzwa khona abantu kusemgwaqweni nxa utshayelwa uyabuzwa ukuthi uthweleni.

please wait

No media source currently available

0:00 0:02:19 0:00

Facebook Forum

XS
SM
MD
LG