amalinks wokungena

Breaking News

Liphuma Lendaba: Sixoxa Ngemizamo Yenhlanganiso Efuna Ukuphindisela Kungahlaselwa abokuza eSouth Africa


Amapholisa eSouth African elwisana lezizalwane zalelo lizwe.

Namhlanje kuhlelo Liphuma Lendaba Litshone Lindaba sixoxa lomkhokheli wenhlanganiso yabaphila ngokuthenga imaphla kwamanye amazwe bethengisa elizweni, eye International Crossborders Trader's Association, uMnu. Denis Juru ngodaba lokwethuselwa kwabokuza eSouth Africa okuthiwa bengabhekana lodlakela.

Linhlanganiso yethule umbiko osola uhulumende wakwele South Africa ngokungabi lendaba lodlakela oluqondiswe kwabokuza lokuthi bazathatha amanyathelo okuphindisela nxa bengahlukuluzwa abokuza.

UJuru uthi: "Uhulumende we South Africa kukhanya kalandaba ngendlela ama foreigners aphathwa ngakhona siyabona ukuthi abantu bayabulawa kodwa asizwa ngitsho loyedwa okuthiwa ubotshiwe wagetshwa ngoba ubulele umuntu."

Uthi bazavikela abantu bokuza ngoba baselizweni ngokusemthethweni.

Ephendula umbuzo wokuthi ngeziphi indlela abazazisebenzisa ukuvikela abantu laba uJuru uthe: "Angeke ngikhulume okunengi emoyeni kodwa sizavimba amatruck wonke awe South Africa, ama GP ama North West ukungena kwamanye amazwe kuzwekazi le Africa. Kungaba kuse Zimbabwe eZambia kumbe Mozambique. Abendizamtshina sizababhalela incwadi ukuthi bengayi eZimbabwe."

Uthi bake balobela abendizamtshina ukuthi bengayi eZimbabwe balalela isicelo sabo.

UJuru uthi bazakhulma labanini bemota ezinkulu zama trucks ukuthi labo bengayi eZimbabwe.

please wait

No media source currently available

0:00 0:04:33 0:00

Facebook Forum

XS
SM
MD
LG