amalinks wokungena

Breaking News

Luyaqhubeka Udlakela eSouth Africa, Kodwa uMnangagwa Yena Zwi


Udlakela olwenzakala kwele South Africa.

Umongameli Emmerson Mnangagwa elokhu ezithulele ngodaba lokutshaywa lokubulawa kwezizalwane zakwamanye amazwe okuqhubekela phambili eSouth Africa.

Umongameli Cyril Ramaphosa owe South Africa, laye obesolwa ngokuzithulela kudaba lolu, namhla wethule imbiko embalwa enkundleni yokuxhumana eye Twitter esola okwenzakalayo elizweni le South Africa.

UMongameli Cyril Ramaphosa loMongameli Emmerson Mnangagwa
UMongameli Cyril Ramaphosa loMongameli Emmerson Mnangagwa

Umongameli John Dramani Mahama wakwele Ghana uthe kumele intsha ye South Africa ikhunjuzwe ukuthi izwekazi lonke le Africa laphathisa njani ukuthi ilizwe le South Africa lithole uzibuse.

Umsekeli kamphathintambo wezemibiko, uMnu. Energy Mutodi wethusele ele South Africa esithi eleZimbabwe lithengisa impahla edlula amabhiliyoni amabilo okukuthi ilizwe lingama ukuthengisa limpahla ele South Africa lizazisola.

NgoLwesibili idolobho le Johannesburg belivaliwe kodwa endaweni ezitshiyeneyo bekulodlakela olutshiye impahla yonakele endaweni ezitshiyeneyo.

Amapholisa abebhodabhoda indawana zonke ze Johannesburg kunye loskomitshi wabo, uMnu. Bheki Cele.

Edolobheni le Alexandria lase Rosettenville amapholisa alwisane lezizalwane zalelo lizwe ebezigqekeza izitolo zixotshanisa abokuza.

Lokhu kungakaziwa ukuthi kulabantu abangaki abadabuka eZimbabwe asebefile kudlakela lolu lanxa bekhona okwazakalayo ukuthi bafile.

Kodwa umgcinisihlalo wenhlanganis ye Africa Disapora Forum, uMnu. Vusumuzi Sibanda utshele iStudio Seven ukuthi lokhu besazama ukucwayisisa inani labafileyo.

please wait

No media source currently available

0:00 0:02:11 0:00


Facebook Forum

XS
SM
MD
LG