amalinks wokungena

Breaking News

Lokho Kungaziwa Ukuthi uMugabe Uzangcwatshwa Ngaphi


Owayengumonameli, uMnu. Robert Mugabe.

Sokuqatshwe indizamtshina ehlawulwa amadola azinkulungwane ezimbalwa ngehola linye ukuthi iyathatha isidumbu sikamuyi owayengumongameli welizwe, uMnu. Robert Mugabe obhubhele kwele Singapore ngoLwesihlanu.

Akwaziswanga ukuthi umuyi, obeseleminyaka engamatshumi ayisithiya galo lunye lanhlanu, 95, ubulewe ngumkhuhlane bani.

Inengi libuthene emuzini wakhe ko Zvimba lapho abanye abacabangela ukuthi uzabekwa khona. Iqula elikhokhelwa ngumsekeli kamongameli, uMnu. Kembo Mohadi lizasuka ngendizamtshina.

Omunye obikwa ezahamba lemuli kaMugabe lekankosikazi wakhe, eyako Marufu, ngusomabhizimusi, uMnu. Wicknell Chivayo.

Kubikwa uhulumende ethumele umlayezelo inkokheli yamazwe omhlaba efuna ukuzovalelisa uMugabe ukuthi ingafika eHarare ngoLwesihlanu iye embuthanweni ozenzelwa enkundleni ye National Sports Stadium ngoMgqibelo ihle isuke ngoba uMugabe ezangcwatshwa ngeSonto okungaziswa ukuthi kungaphi njengoba ubikwa watshiya etshele imuli yakhe ukuthi kafuni ukubekwa emathunenei eHeroe’s Acre yena uhulumende esithi ufuna aye khona.

UMugabe ubikwa wafa engaxolelananga labamsusa embusweni.

Sixoxe lowalwa impi yenkululeko, uNkosikazi Queen Maligwa sambuza ukuthi uzamkhumbula njani umuyi?

Facebook Forum

XS
SM
MD
LG