amalinks wokungena

Breaking News

Sisungula Uhlelo Oluhlaziya "Ixenophobia" Esiqale Njalo eSouth Africa


Amapholisa eSouth Africa elwisa udlakela elokitshini le Alexandra.

Namuhla sisungula uhlelo lapho esihlaziya khona imbangela yodlakela oseluqhamuke kwele South Africa oluthi yi xenophobia ngesilungu.

Kambe lungaba lubangelwa yini?

Umqalisiziba nguMnu. Vusumuzi Sibanda umgcinisihlalo wenhlanganiso elwela ilungelo lezizalwane zakwamanye amazwe ezihlala kwele South Africa, eye Africa Diaspora Forum.

USibanda uthi: "Ngicabanga ukuthi mina kulento ezimbalwa ezingatholakala lapha. Siyazi ukuthi abantu balambile imisebenzi kayitholakali kalula kodwa kubukeka sengathi kukhona isandla sesithathu esingaba singenele kuyo yonkinto."

Okwakuqala uthi ukungezwani kumaqembu epolitcs ikakhulu ukuhlephukana phakathi kwebandla le ANC kusukela ngomnyaka ka 2017.

Okwesibili uSibanda uthi abelunga abajabulanga kahle kahle ngalokhu okuthiwa ngesilungu yi white monoply capital, okutsho ukuthi bafuna kube yibo abaphethe ezamabhizimusi.

"Ngoba siyazi ukuthi bakhe iSandton le Rosebank kusukela ngomnyaka ka 2000 bezitshela ukuthi ibhizimusi lonke lizasuka liye khonalapho kodwa akusahambanga ngaleyondlela. Kwasuka kwaba lama bhizimusi amancane asuka athatha lelo bhizimusi abantu abasayi eSandton le Rosebank," kutsho uSibanda.

Uthi lokhu akubaphathanga kahle abelungu.

USibanda uthi okunye yikuthi uhulumende we ANC okhona wabonakala ngesikhathi somkhankaso ukuthi waphiwa imali enengi kakhulu ngebelungu ngakho bengaba sebefaka amandla wokuthi bavikeleke kumabhizimusi amancane asethatha ibhizimusi labo.

please wait

No media source currently available

0:00 0:05:19 0:00


Facebook Forum

XS
SM
MD
LG