Namuhla kuhlo lwethu lapho esihlaziya imbangela yodlakela oluqondiswe kwabokuza, ixenophobia ngesingisi, sixoxa loMnu. Zenzo Nkomo, ingcwethi ecubungula ezombusazwe.
UNkomo uchasisa ngokuthi kanti vele kungani abantu abahlala ema hostel, inengi labo lingamaZulu, kuyibo abathiwa bakhokhela loludakela.
UNkomo uthi: "Amahostel ajwalekile ukuthi kuhlala abantu abangabe silisa. Yebo kambe emzameni yokudambisa lolwa udlame olwalusibakhona ngesikhathi sama 90s uhulumende we ANC yawatshintsha yathi kuzakuba yindawo okuzahlala khona abantu besifazane labantwana."
Uthi lokhu kwenzelwa ukuba abantu besilisa bengabi yibo bodwa ngoba bengahlala bodwa balakho ukuba lemicabango yokwenza imikhuba enganxele efana lokwenzakala lezinsuku.
UNkomo uthi kwatholakala ukuthi lapho ababehlala khona amadoda wodwa ayengayengeka kumbe asetshenziswe imisebenzi engalunganga.
Uthi okwenzakale ngempelasonto kuyakhomba ukuba kulesinye isandla esikhona ngoba amaZulu ayahlonipha inkosi yawo, uButhelezi kodwa abakwenzayo ukusukuma ekhuluma bayokwenza lokho athi bengakwenzi kungaba kuvelela kwesinye isandla.
