amalinks wokungena

Breaking News

Mqondisi Moyo: Indubo Zabe South Africa Zifana Lezabesigaba seMatabeleland


Ipholisa liphosa ugulunede okhihliza intuthu ehitshayo eSouth Africa.

Namhla sigqiba uhlelo lwethu lapho kade sihlaziya imbangela yodlakela oluqondiswe kwabokuza kwele South Africa.

Icinathunjana lalezingxoxo nguMnu. Mqondisi Moyo umkhokheli webandla leMthwakazi Republic Party esixoxe laye ese South Africa lapho kade ekhona ngosuku kuqhamuka loludlakela.

UMoyo uthi: "Kuliqiniso ukuthi lokhu abakhala ngakho lapha eSouth Africa kuyafana lalokho lathi esikhala ngakho ekhaya loba singakhuthzazi ukuthi abantu kababulalane."

UMoyo uthi inhlanganiso ze SADC le African Union sezehlulekile ukulungisisa loludaba.

Uthi okwenza inengi lesigaba seMatabaleleland liyedinga amadlelo aluhlaza eSouth Africa yikuthi udaba lwe Gukurahundi oluzange lulungiswe ngemva kokucitha imizi yabantu ngeminyaka yabo 1980 bazophephelela kwele South Africa.

"Amazwe awe SADC aphatha loludaba njengathi akulanhlupho emazweni alaba bantu ababaleka baze bagcwala eSouth Africa. Ubutsuthola ukuthi sebeqala ukusola izizalwane ze South Africa nxa sezikhala ukuthi ziyathathelwa imisebenzi lamathuba amabhizimusi," kutsho uMoyo.

please wait

No media source currently available

0:00 0:03:54 0:00


Facebook Forum

XS
SM
MD
LG