amalinks wokungena

Breaking News

Abanye Bathi uDokotela Magombeyi Ulakho Ukunyamalala Kokuphela njengoDzamara, Uhulumende Uthi Uphezu Kwalo Loludaba


Dr Peter Magombeyi

Abalwela amalungelo oluntu lozulu sebesole ukuthunjwa kwesiphathamandla senhlanganiso yabodokotela, eyeZimbabwe Hospital Doctors Association, uDokotela Peter Magombeyi besithi impilo yakhe ingaba isengozini enkulu.

UMnu Magombeyi, yena osaphethe isikhundla somkhokheli walinhlanganiso, uthunjwe ngabantu abathathu abahlomileyo endlini yakhe eseBudiriro, eHarare ngoMgqibelo.

Lanamuhla lokhu akwaziwa ukuthi ungaphi lokuthi uthunjwe ngobani.

Kumalanga asanda kwedlula uDokotela Magombeyi ubehlala ethola imbiko kumakhalekhukhwini ebimethusela phezu kokukhalala umsebenzi kwabodokotela okuqhubekayo.

Abanye besabela ukuthi enganyamalala kokuphela sakudlala njengoMnu Itai Dzamara yena othunjwe ngo2015.

Ibandla leMDC lithi le yimisebenzi kahulumende. Ngokunjalo, lithi kumele aphange amphendukise uDokotela Magombeyi.

“Siyamsola kakhulu uhulumende ngokusebenzisa udlakela emizameni yokuqeda ukukhonona kwezisebenzi zakhe,” kutsho Ibandla leMDC embikweni eliwethule izolo.

Umphathintambo wezempilakahle, uMnu Obadiah Moyo laye usole isehlakalo lesi wathi sebecele abezomvikela ukuthi badinge uMagombeyi.

“Ugatsha lwezempilakahle lukhathazekile kakhulu ngenhlalakahle yezisebenzi zalo zonke. Udaba lolu lusiphethe kabi,” kutsho uMoyo.

“Siyakusola okwenzakale kuMagombeyi kungakhathalekile ukuthi kwenziwe ngubani.”

please wait

No media source currently available

0:00 0:00:39 0:00

Ugatsha lukahulumende olubona ngokwethulwa kwemibiko lona luthi abezomvikela sebeqalisile uphenyo lwabo.

Kodwa unobhala jikelele wenhlanganiso yezisebenzi, eyeZCTU, uMnu Japhet Moyo utshele iStudio 7 ukuthi uhulumende ukhanya engazimiselanga ukuqeda ukuthunjwa lokuhlukuluzwa kwabantu osokuyinsakavukela elizweni.

please wait

No media source currently available

0:00 0:02:50 0:00

KoBulawayo khona kubikwa kulabanye asebebalekile ezindlini zabo ngoba belandelwa ngabantu abangaziwayo abakhanya belenjongo yokubathumba.

Omunye wabantu laba nguMnu Josphat Mzaca Ngulube, yena owancintisa kukhetho lwamalunga edale lephalamende ezimele kukhetho olwedluleyo. UNgulube uthi usehlalela evalweni.

please wait

No media source currently available

0:00 0:02:34 0:00

Facebook Forum

XS
SM
MD
LG