amalinks wokungena

Breaking News

Ukukhalala Umsebenzi Kwabodokotela Phezu Kokuthunjwa kukaMagombeyi Kuyaqhubeka


Zimbabwe doctors demonstrate over the abduction of their leader Peter Magombeyi on Saturday. He remains unaccounted for.

Ukukhalala umsebenzi kwabodokotela bekhonona phezu kokuthunjwa komkhokheli wabo uMnu Peter Magombeyi kuyaqhubeka namuhla.

UMagombeyi uthunjwe ngoMgqibelo ngabantu ababehlome ngemibhobho njalo lanamuhla lokhu akwaziwa ukuthi ungaphi. Uhulumende laye uthi akakwazi ukuthi uthunjwe ngobani.

Kodwa inengi licabangela yena uhulumende ngoba uDokotela Magombeyi ubeselesikhathi ethola imbiko yokumethusela kumakhalekhukhwini wakhe phezu kokukhonona kwabodokotela ngodaba lweholo.

UMagombeyi nguye osaphethe isikhundla somholi wenhlanganiso yeZimbabwe Hospital Doctors Association.

Izolo umthethwandaba ulaye ugatsha lwendaba zasekhaya kanye lolwezomvikela ukuthi ziqinise imizamo yazo yokudinga uMnu Magombeyi njalo zethule impumela yophenyo lwazo.

Wengeze wathi yiloba ngubani ongaba emgcinile uMagombeyi, kumele amkhulule kumbe amuse enkantolo kungakedluli amahola angamatshumi amane lasitshiyagalombili, 48 hours, nxa kuyikuthi ulecala.

Udaba lolu luhanjiswe emthethwandaba yinhlanganiso yamagqwetha alwela amalungelo oluntu, eyeZimbabwe Lawyers for Human Rights.

Izolo njalo odokotela batshengisele ezibhedlela zikahulumende eHarare lakoBulawayo besithi kabayi kubuyela emsebenzini nxa udokotela Magombeyi engakatholakali.

Baphinde batshengisela njalo esibhedlela seParirenyatwa, eHarare ntambama bexhaswe nguzulu lapho abaqhube khona umthandazo wokuthi uMagombeyi atholakale ephila.

Osakhulayo weMDC ePlumtree uMnu Trymore Mpofu, utshele uSithandekile Mhlanga weStudio 7 ukuthi wehlulekile ukwelatshwa eUnited Bulawayo Hospitals izolo ngoba odokotela bebengekho emsebenzini.

please wait

No media source currently available

0:00 0:02:59 0:00

Facebook Forum

XS
SM
MD
LG