Isidumbu sikaMnu Robert Mugabe sikhangelelwe ukubuyiselwa eHarare namuhla sivela emzini wakhe koZvimba lapho esitshengiswe khona izihlobo zakhe labantu bakuleyondawo izolo bemvalelisa.
Kodwa bekulabantu abalutshwana kulumbuthano.
Okumangalise abanyeyikuthi isidumbu lesi besikhanya sesifakwe kwelinye ibhokisi elingayisilo elasetshenziswa enkundleni yeRufaro leyeNational Sports Stadium ngeviki edluleyo.
Akwaziwa ukuthi kungabe kwenzelweni lokhu.
Iphephandaba leStandard libike ngeSonto ukuthi uNkosikazi Grace Mugabe lomndeni wakoMugabe babanjwa ngamandla nguhulumende ukuthi bavume ukungcwaba uMugabe eHeroe’s Acre.
Lithi abameli bakaMongameli Emmerson Mnangagwa bakhumbuza uNkosikazi Mugabe ukuthi izindlu abalazo ngezebandla leZanu PF.
Ngakho, bebelakho ukuzithathelwa alubana bethe bayala kokuphela ukuthi uMugabe abekwe amathuneni amaqhawe esizwe.
UChris Gande weStudio 7 uxoxe locubungula ezombusazwe uMnu Ambrose Sibindi, ongumgcinisihlalo njalo wenhlanganiso yeBulawayo Progressive Residents’ Association ngaloludaba.
