amalinks wokungena

Breaking News

Iqembu leHighlanders Lithuthukisa Amathuba Okusinda Isigumula Ngokunqoba eleChiefs


Abalandeli beqembu le Highlanders.

Iqembu le Highlanders lithuthukise amathuba alo awokusinda ekugunyulweni esigabeni saphezulu ekupheleni kwemidlalo yalonyaka ngokutshaya elikwenze iqembu le Bulawayo Chiefs nge 3 ka 1 emdlalweni oqhutshelwe enkundleni ye Barbourfields stadium ngoLwesithathu emini.

Iqembu le Highlanders lihlohlelwe ngu Prince Dube yena ohlohle igoli elilodwa kanye lo Tinashe Makanda yena olitshayele kabili emambuleni.

Limpumela itshiye iqembu le Highlanders selilemiklomelo engamatshumi amabili lathoba minwe mbili njalo selikhuphuke layahlala endaweni yetshumi lanye engalaneni yemiklomelo.

Limpumela ithokozise kakhulu ophethe isikhundla esokuba ngumqeqetshi weqembu le Highlanders uMandla Mpofu.

“Besidlala labangane, omakhelwane njalo ngalokho bekungasiwo mdlalo olula. Bekudingakala ukuba sithukuthele siding amandla okuba sinqobe njalo okungijabulisayo yikuba lamhla senelise ukuhlohla kanengi obekuyinto ebisehlula emidlalweni eyedluleyo.

Nxa singaqhubeka sidlala ngalindlela sizangaphakama sisuke lapho esihlezi khona ngoba akujabulisi,” kutsho uMpofu.

Ngakwelinye icele umqeqetshi weqembu le Bulawayo Chiefs uThulani Sibanda uthe abasoze balahle ithemba ngokufelwa.

“Siyakunanzelela ukuba kumele siqine kodwa asisoze silahle ithemba ngoba imidlalo isasekhona njalo kukhona esikubonileyo ukuba kumele sikulungisise njalo nxa singakwenza lokho sizayithola impumela esiyifisayo,” kutsho uSibanda.

Bukulemidlalo emibili eyesigaba se PSL namhla edolobheni lako Bulawayo njalo emdlalweni obusenkundleni yase Luveve iqembu le Chicken Inn litshaye ele Herentals nge 4 ka 1.

Abahlohlele iqembu le Chicken Inn ngabathi uTichaona Chipunza, uInnocent Muchaneka kanye lo Brett Amidu yena olitshayele emambuleni kabili.

Iqembu le Herentals lona lihlohlelwe ngu Juan Mutudza.

Limpumela itsho ukuba iqembu le Chicken Inn selindize layahlala phezu kwengalane yemiklomelo lilemiklomelo engamatshumi amane lowodwa okulinani elilingana lalelo eliphethwe liqembu le CAPS United kodwa ele Chicken Inn lihlezi phezulu ngoba lihlohle amagoli amanengi.

please wait

No media source currently available

0:00 0:02:27 0:00


Facebook Forum

XS
SM
MD
LG