WASHINGTON DC —
Ummeli weleMelika eZimbabawe, uMnu. Brian Nichols uthi ilizwe leMelika selengezelele imali yokuncedisa abalambayo eZimbabwe ngemali eyizigidi ezingamatshumi amane, $41,9 million ngenxa yendlala esisidla ubhedu elizweni.
Lokhu kutsho ukuthi imali esiphiwe ilizwe le Zimbabwe ukunceda abalambayo isifika phose izigidi ezilikhulu, $89,9 million ekhangelelwe ukunceda abantu abafika isigidi esisodwa abalambayo, ikakhulu emakhaya, kuze kuyofika isivuno somnyaka ozayo.
Esigabeni seMatabaleland South indlala isibhahile njalo lezifuyo sezicuba. EMatabeleland North lakho indlala imbi kakhulu.
UChris Gande weStudio Seven uxoxe lesakhamuzi se Dete, uMnu. Stanley Torima othi umango lo impilo isinzima kakhulu ngenxa yendlala.
