Ibandla leMDC lizakuba lomcimbi wokuthakazelela iminyaka engamatshumi amabili labunjwa ngoMgqibelo enkundleni ye Rufaro Stadium eHarare.
Lumcimbi wawumele wenziwe kumaviki amabili adluleyo kodwa wadluliselwa phambili ngoba kwakulilanga okwakulesikhumbuzo sikamuyi, uMnu. Robert Mugabe, owayengumongameli welizwe.
Kodwa lakusasa lumcimbi uzakwenziwa kulilanga lokuncwaba uMugabe wkhaya lakhe ko Zvimba.
Umcimbi lo wandlulelwe ngumhlangano webandla leli owedale elimqoka ele standing committee kwasekusenziwa owelinye njalo idale ele National Council.
Kuthi ntambama ngoLwesihlanu kwenziwe lomcimbi wokubuthanisa imali owokudla kwantambama, idinner lapho okuzahlawulwa imali eqala kumadola eMelika angamatshumi amabili lanhlanu, $25 kusiyafika ku khulu elilodwa, $100 kusiya ngokuthi umuntu uhleli kweliphi itafula.
Aseneleisanga ukuxoxa leziphathamandla zebandla leli ngoba bezisemhlanganweni.
Kodwa senelise ukuxoxa lengcwethi ecubugula ezombusazwe, uMnu. Michael Ndiweni othi ibandla leMDC kumele lithathe ithuba lokwenelisa iminyaka engamatshumi amabili ngokuzinuka amakhwapha.
