Imizamo yokususa uMongameli Donald Trump weleMelika esihlalweni kusetshenziswa umthetho we impeachment iqhubekela phambili.
NgoLwesine owayengummeli weleMelika elizweni le uKraine uMnu. Kurt Volker uphe ubufakazi phambi kwedale le The House lapho athe igwetha likaMongameli Trump, uMnu Rudi Guilianni wayephiwa imbiko yamanga yiziphathamandla zakwele Ukraine ezacelwa ngu Trump ukuthi zidinge okungangcolisa omunye wabafuna ukuncintisana laye kukhetho lomnyaka ozayo, uMnu. Joe bBiden.
UTrump ubikwa wamisa uncedo olwalumele luphiwe ele uKraine andubana liqale lidinge okungabhica udaka uBiden lendodakazi yakhe, uHunter obikwa wake wenza ibhizimusi kwele Ukraine.
UVolker ngowakuqala ukupha ubufakazi kudaba lolu olukhangelelwe ukuba labafakazi abanengi abazabuzisiswa ngamakhomidi edale ephalamende.
Ukuhlaziya loludaba sixoxe lesizalwane seZimbabwe esihlala ngapha kwelemMelika, uMnu. Raphael mMthombeni saqala ngokumbuza ukuthi ulubona njani udaba luka Tump?
