amalinks wokungena

Breaking News

Uhulumende Uthi Uzulu Atshaye Indiva Amazwi Okuthi Kuzethulwa Imali Entsha Ngenyanga Ezayo


Imali
Imali

Uhulumende uthi uzulu kumele atshaye indiva amazwi ethulwe ngumcebisi kamongameli welizwe uMnu Eddie Cross awokuthi ibhanga elikhulu lelizwe eleReserve Bank of Zimbabwe lizakwethula imali entsha ngenyanga ezayo.

UMnu Cross, olilunga lekhomithi yabacebisi bakamongameli kundaba zenotho, ubetshele umsakazo weZBC izolo ukuthi iyeza imali entsha ngoLwezi.

Kodwa isikhulumeli sikahulumende uMnu Nick Mangwana uthi uMnu Cross ukhulume lokhu ezimele.

Ngakho, uthi uzulu kamelanga akulalele.

Lanxa kunjalo, uMnu Mangwana kazange ewalandule amazwi kaCross kodwa ugcizelele nje ukuthi akusiso sikhulumeli sikahulumende.

UMongameli Emmerson Mnangagwa laye useke watsho ukuthi uhulumende uzakwethula imali entsha umnyaka ungakapheli.


UNtungamili Nkomo weStudio 7 uxoxe lengcwethi ecubungula ezenotho uMnu. Masimba Kuchera wambuza ukuthi ulubona njani kahle-kahle loludaba.

please wait

No media source currently available

0:00 0:02:55 0:00


XS
SM
MD
LG