Owake waba ngumsekeli kaMongameli weZimbabwe uMnu Phelekezela Mphoko walile ukupha umthethwandaba amaphepha endlu yakhe, ama-title deeds, ngoba esithi uhulumende ulakho ukumthathela lindlu.
UMphoko ucele umthethwandaba kamantshi ngoLwesine ukuthi umbuyisele i-passport yakhe, ukuze aye eSouth Africa ukuyahlanagana lomunye aqhuba laye ibhizimusi.
Kodwa umtshutshisi uthe nxa efuna lokho, kumele uMphoko abambise umthethwandaba ama-title deeds endlu yakhe ukuze uhulumende abe leqiniso lokuthi kajonganga ukubalekela icala lenkohlakalo aletheswayo.
Kodwa ukwalile lokhu uMphoko esithi ngcono uhulumende azihlalele le-passport yakhe.
Igqwetha likaMphoko uMnu Zibusiso Ncube utshele iStudio 7 ukuthi lanxa sokutheni uMphoko kasoze aphe umthethwandaba amaphepha endlu yakhe ngoba elakho ukuhle amthathele yona.
UMnu Mphoko, yena owayengomunye wabasekeli bakaMnu Robert Mugabe engakagenqulwa libutho, ubotshwe kunyanga ezisanga kwedlula ngecala lenkohlakalo.
Ekubotshweni kwakhe, wahamba nzima emapholisani ngoba esithi wayelolwazi olwluveza ukuthi Amapholisa ayejonge ukumhlaba ijekiseni eletshefu ambulale.
