amalinks wokungena

Breaking News

UMnangagwa useFrance Emhlanganweni Wokudinga Imali Yokulwisana Lezifo Ezitshiyeneyo


President Emmerson Mnangagwa stands behind Zimbabwe’s currency switch to the bondnotes, in Victoria Falls, Zimbabwe, June 25, 2019. (Columbus Mavhunga/VOA)

UMongameli Emmerson Mnangagwa ukweleFrance namuhla emhlanganweni wamazwe omhlaba wokudinga imali yokulwisana lemikhuhlane egoqela owengculazi, ufuba kanye loqhuqho.

UMnangagwa ulubhekise kweleFrance izolo esuka kweleUganda lapho abengumhlonitshwa khona emkhosini wokunanza uzibuse walelolizwe.

Abakhokheli bamazwe omhlaba atshiyeneyo labo bazaphatheka kulumhlangano, wona oqhutshwa yinhlanganiso yeGlobal Fund ngemva kweminyaka emithathu ngenjongo yokuvuselela isikhwama sokulwisana lezifo zontathu emhlabeni jikelele.

UMongameli Emmanuel Macron weleFrance nguye ozakhokhela lumbuthno, wona ozama ukuthola imali engamabhiliyoni alitshumi lane, i$14 billion.

Uhambo lukaMnangagwa lolu luza ngesikhathi ezempilakahle zimi manzonzo eZimbabwe ngenxa yokubhidlika komnotho lokukhalala umsebenzi kwabodokotela.

Kulokusilela njalo kwamaphilisi amaARVs kanye lemithi elapha izifo ezitshiyeneyo.

Olwela amalungelo abaphila legciwane leHIV uMnu Sipho Mahlangu utshele iStudio 7 ukuthi uhambo lolu luqakathekile lanxa nje abanye besithi uMnangagwa udlalisa imali.

please wait

No media source currently available

0:00 0:03:32 0:00

Facebook Forum

XS
SM
MD
LG