Inhlanganiso yezakhamizi, i Bulawayo United Residents’ Association, iBURA, isilobele ugatsha lukahulumende olubona ngezentengo, olwe Consumer Tariffs and Competition ukuthi luzochasisela uzulu wako Bulawayo ukuthi kungani uhulumende engavikeli uzulu ekukhwezweni mahlayana okwenziwa intengo mihla nge mihla ezitolo.
Umgcinisihlalo walinhlanganiso uMnu. Winos Dube uchasisele iStudio Seven izizatho ezenze bathatha lelinyathelo.
Ingcwethi kwezomnotho, uMnu. Anglistone Sibanda uthi kumele uhulumende athathele osomabhizimusi abakhweza intengo mahlayana amanyathelo.
Isakhamuzi sako Bulawayo, uMnu. Mojalifa Mokoele uthi sokunzima ukuhlela imali ukuze ihambelane lendleko zabantu.
UDube uthi bakhona osomabhizimusi asebeyizihwaba abafuna ukunotho ngokuphazima kweso.
Ezinye ingcwethi kwezenotho zithi imizamo yokuvuselela umnotho welize isifana lokuthungela izigamba ezivele lazo zivuza.
