WASHINGTON D.C —
Ibandla leMthwakazi Republic Party namuhla liqoqe ukutshengisela esibhedlela se Mpilo ko Bulawayo likhalaza ngokuqatshwa kwabongi labongikazi abavela kwezinye izigaba zelizwe.
Kulembiko ethi lesi sibhedlela sizaqatsha abongi namuhla kodwa umholi wesibhedlela, uDokotela Solwayo Ngwenya ulandule imbiko yokuthi bazaqatsha abongi namhla esithi ukuqatshwa sokusenziwa ebulenjini be internet.
UNgwenya ulobe enkundleni yokuxhumana ebulenjini, eye Twitter esithi imbiko le ingamanga.
Kodwa ibandla leMthwakazi lithi lilobufakazi bokuthi kuzaqatshwa namhla njalo kulabanengi abafundela ubongi abadabuka esigabeni sikaMthwakazi abangaqatshwyo kuphiwa umsebenzi abavela phandle kwalesi sigaba.
Sixoxe lesikhulumeli sebandla le MRP, uMnu. Mbonisi Gumbo.
