amalinks wokungena

Breaking News

PTUZ: Ababalisi Kabasayi Emsebenzini ngoLwesibili, ngoLwesithathu langoLwesine Bekhonona Ngeholo


Inhlanganiso yeProgressive Teachers Union of Zimbabwe (PTUZ) ithi ababalisi abangamalunga ayo kabasoze baye emsebenzini ngoLwesibili, ngoLwesithathu, langoLwesine ngoba kabala mali yokugada amabhasi lamakhombi.

Inhlanganiso le ithi amalunga ayo asezahamba emsebenzini kabili kuphela ngeviki: ngoMvulo langoLwesihlanu maviki wonke uhulumende aze awengezelele iholo.

Inyathelo lePTUZ liza ngesikhathi odokotela sebedlulise inyanga bengayi emsebenzini ngesizatho esifanayo.

Izisebenzi zikahulumende ezinengi lazo zibikwa sezisiya emsebenzini nxa zithe zathola imali yokugada kuphela.

Isiphathamandla sePTUZ enyakatho yeMaNdebeleni uMnu Never Nyaunzvi utshele umsakazo weStudio 7 ababalisi abanengi sebesidla imbuya ngoluthi.

please wait

No media source currently available

0:00 0:02:03 0:00

Facebook Forum

XS
SM
MD
LG