amalinks wokungena

Breaking News

Nhlanhla Ndiweni: UMnangagwa Sehlulekile Akasuke Esihlalweni


Induna yeNtabazinduna uMnu Felix Nhlanhlayamangwe Ndiweni

Induna, uNhlanhlayamangwe Khawisa Ndiweni owe Ntabazinduna uthi abantu kumele bangene ezitaladeni ngoLwesihlanu lapho ibandla leZanu PF elinxuse abantu ukuthi bayetshengisela besola izijeziso zenotho, kodwa besuse uMongameli Mnangagwa.

Ekhuluma embuthanweni obuqoqwe ukuthandazela ilizwe lokunanaza iminyaka elikhulu lamatshumi amabili lanhlanu kwasungulwa idolobho lako Bulawayo izolo, uNdiweni uthe uhulumende usehlulekile njalo ufuna ukusebenzisa udaba lwezijeziso zenotho ukucatshela ukwehluleka ukubusa.

UNdiweni uthi uzulu kumele asebenzise ixetsha lokufola okuqoqwe yibandla leZanu PF asebenzise akuvunyelwa yisisekelo sombuso asuse uMnangagwa lohulumende wakhe.

Ephendula imibuzo ngemva kwamazwi ache, uNdiweni uthe kesabi ukubotshwa njengalokho ache wakwenziwa wavalelwa ejele leKhami engezelela esithi ngabe uyesaba ukubotshwa ngabe engaphendukanga kwele Bhilitane lapho ayehlala khona.

Facebook Forum

XS
SM
MD
LG