amalinks wokungena

Breaking News

SADC: Kuyaqhubeka Ukutshisa Okwedlulise Amalawulo Ezansi yeAfrica, Ngakho Kumele Uzulu Azivikele Ngoba Kuyingozi


Umanyano weSADC uthi ukutshisa okwedlulise amalawulo emazweni asezansi yeAfrica agoqela eleZimbabwe kuzaqhubeka okwensuku ezinhlanu ezilandelayo njalo uthi uzulu kumele azivikele ngoba ukutshisa lokhu kuyingozi.

Embikweni owethulwe lugatsha lwawo olubona ngezomkhathi izolo, umanyano weSADC uxwayise abantu ukuthi bahlale ezindlini njalo bengaze banathi kakhulu okudakayo kumbe okuletshukela.

Uthe njalo abantu kumele bagqoke ingwane nxa beselangeni kanti njalo bagqoke impahla ezilula, futhi bengatshiyi abantwana bebodwa ngoba lokhu kungabafaka engozini enkulu.

ISADC Climate Services Center ithi isikhudumezi lesi sidlalela kubo30 kusiya kubo35 degrees celcius.

Kodwa ithi kwamanye amazwe sizadula kubo40 degrees njengalokhu okwenzakala endaweni zeZimbabwe ezigoqela eTsholotsho, Beitbridge laseVictoria Falls.

Isakhamuzi seVictoria Falls uMnu Lawrence Ndiweni utshele iStudio 7 ukuthi okwenza umumo wokutshisa kwelanga ube mubi kakhulu kulelidolobho yikusilela kwamanzi.

please wait

No media source currently available

0:00 0:02:50 0:00

Sixoxe njalo lesakhamuzi seMzimunye eMatabeleland South uMnu Ernest Malandu yena othi ukutshisa lokhu lendlala ekhona sokufake izifuyo esimeni esibi kakhulu.

please wait

No media source currently available

0:00 0:01:51 0:00

Facebook Forum

XS
SM
MD
LG