amalinks wokungena

Breaking News

Sikhuphukile Njalo Intengo Yamafutha Ezimota


Amafutha ezimota

Intengo yamafutha ezimota ikhwelile njalo osekuzabangela ukukhwela njalo kwentengo ezitolo yena uzulu esevele esidla imbuya ngoluthi.

Intengo yamafutha ezimota isengehlala ikhwelile maviki wonke okutsho ukuthi intengo yempahla ezitolo layo iyakhuphuka maviki wonke.

Isakhamuzi sako Bulawayo, uMnu. Ray Phiri uthi uzulu usephilanzima njalo okudanisayo yikuthi akukhanyi sisombululo.

Esinye njalo isakhamuzi sako Bulwayo, uMnu. Andrew Banda uthi okunye okwenza abanye bengaboni udubo olukhona yikuthi abalezihlobo phandle kwelizwe bayabathumezela imali becine bengaboni udubo olubonwa ngabanye.

Ingcwethi ecubungula ezombusazwe, uMnu. Masimba Kuchera uthi imizamo kamphathimbo wezemali eyokuhlenga ilizwe ikhanya isehlula.

UBanda uthi okunye okubangela ukuthi intengo ihlale ikhuphuka yilabo abathola imali yakwamanye amazwe, ikakhulu idola leMelika.

Ilitha elilodwa lamafutha epetulo, selithengiswa ngamadola alitshumi lasithupha, $16.67 kuthi ilitha linye le dizili selithengiswa nge $17. 47.

please wait

No media source currently available

0:00 0:04:21 0:00


Facebook Forum

XS
SM
MD
LG