Izisebenzi zikahulumende zithi zizatshengisela ngeviki ezayo ngoLwesithathu zikhonona ngeholo ezithi kaliseneli ukondla izimuli.
Inkokheli yezisebenzi zikahulumende, ekudale elimanyanisa izisebenzi lomqatshi eye Apex Council, ibe lomhlangano izolo eHarare yavumelana ukuthi kumele kuthathwe Lelinyathelo ngoba uhulumende lokhu esephula izithembiso zakhe.
Izisebenzi lezi zithi zifuna isisebenzi esithola imali ephansi iqale kumadola angamakhulu amane, $475 ngenyanga lanxa sokuthiwa imuli eyodwa kumele ithole imali ezinkulungwane eziyisikhombisa, $6 000 ngenyanga.
UChris Gande weStudio Seven ukuze sizwe ukuthi bona bayasekela na inyathelo elithethwe yi Apex Council na?
Lokhu sikudaba lunye, uzulu mathupha uyathandabuza ukuthi uzaphatheka na ekutshengiseleni okukhangelelwe ukwenziwa yizisebenzi zikahulumende ngeviki ezayo ngoba kulokwesaba.
Kodwa abanye, abafana lolwela ilungelo likazulu, uMnu. Japhet Mzaca Ngulube bathi uzulu kumele atshengisele ngokungayi emsebenzini.