WASHINGTON D.C —
Izwekazi le Africa liphakathi kokujabula kulandela ukungqoba okwenze iqembu le Rugby, ama Springboks, elakwele South Africa elibhuqe ele England 32 ka 12 laphakamisa inkezo ye 2019 Rugby World Cup.
Lokhu ngokwesithathu leliqembu liphakamisa linkezo.
Lanxa inengi lezwekazi le Africa lijabuliswe yimpumela le bakhona abanye kwele South Africa abathi akubajabulisi kangaka ngoba leliqembu lilamalunga ansundu amalutshwana kakhulu nxa kuqathaniswa lawamhlophe.
Sixoxe lowake wadlalela iqembu le Zimbabwe ele Rugby, elithiwa ngama Sables, uThulani Tabulawa, ongumqeqetshi njalo womdlalo we rugby othi umdlalo lo ubuthokozisa ngoba iqembu lama Springboks belisenza ingani lizangqotshwa kodwa lakhulela ele Ngalandi.
