amalinks wokungena

Breaking News

Ukuphenduka Kwedola leMelika Kunga Kutshengisa Ukwehluleka Kukahulumende Na?


Amafutha okupheka.

Amanye amakhansili lezinye ingatsha zikahulumende zibikwa zisithi zifuna ukubhadalwa imisebenzi yazo ngedola leMelika lona lingasavunyelwa ukusetshenziswa phansi komthetho owasungulwa kunyanga ezilutshwana ezisanda kwedlula.

Uhulumende uthi uzethula imali entsha eyisilinganiso se $2 le $5 ngeviki ezayo ngesikhathi abanye osomabhizimusi besithi bafuna ukubhadalwa ngedola leMelika.

Abanye bathi imbiko kasibalukhulu webhanga le Reserve, uMnu. John Mangudya eyokuthi kulemali entsha ezethulwa iphikisana lekamphathintambo wezemali, uMnu. Mthuli Ncube othi akulamali entsha ezayo.

Ingcwethi ecubungula ezenotho, uMnu. Rejoice Ngwenya uthi abantu abazwisisi loludaba.

Ezinye ingcwethi kwezomnotho zithi ukuvumela uzulu esebenzisa idola leMelika ekuthengeni impahla kumbe ukuhlawula izikwelede kutshengisa ukwehluleka kukahulumende osevuma ukuthi inhlelo zakhe ziyize leze.

Usomabhizimusi wakoBulawayo, uMnu. Albert Mhlanga uthi okwenzkalayo kutshengisa ukuthi akulamthetho olandelwa nguhulumende.

Umhlanga uqhubekele phambili esithi sinye isizatho esabangela ukungasetshenziswa kwedola leMelika.

Ingcwethi ecubungula ezombusazwe, uMnu. Masimba Kuchera uthi imizamo kamphathimbo wezemali eyokuhlenga ilizwe ikhanya isehlula.

Edolobheni leVictoria Falls, okwande abantu abavela kwamanye amazwe, izisebenzi zihola ngedola leMelika kodwa isakhamuzi salelidolobho, uMnu. Ephias Mambume uthi kulemigoqo eminengi-nengi.

UMambume uthi zikhona izitolo ezilokhu zisemukela idola leMelika.

Ezinye ingcwethi ezicubungula ezomontho zithi okungaphathisa ilizwe yikuthi ilizwe lisebenzise iRand lakwele South Africa.

please wait

No media source currently available

0:00 0:05:29 0:00


Facebook Forum

XS
SM
MD
LG