WASHINGTON D.C —
Indlala isibhahile emizini eminengi emaphandleni kunye ledolobheni kulandela ukungani kuhle kwezulu lokuqonga kwentengo yokudla ezitolo.
Emaphandleni izifuyo sezicuba zisifa ngokuswela amanzi lamadlelo. Kubikwa sokufe inkomo ezenengi kakhulu esigabeni seMandebeleni, eNkabazwe kunye lase Masvingo ngenxa yokusilela kwamanzi lamadlelo.
Sixoxe lengcwethi kwezokulima, uMnu. Mandla Mkhwananzi othi kumele izakhamizi zihlanyele kungakhathalekile lokuthi zilimile na ngoba inkomo zingenelisi ukudonsa ikhuba ngendlala.