amalinks wokungena

Breaking News

Kambe Iyozala Nkomoni kuFinal yeChibuku Super Cup?


Iqembu leHighlanders lizadibana leleNgezi Platinum ku-final yalonyaka yenkezo yeChibuku Super Cup ngemva kokuphumelela kwamaqembu womabili kuma-semi final aqhutshwe ngempelaviki.

I-Highlanders inqobe iZPC Kariba nge1 ka nya ngeSonto kwathi eleNgezi Platinum lanqoba eleHarare City nge 7 ka 6 ngemva kokutshaywa kwembekwa ngoMgqibelo.

Iqembu le Highlanders linqobe nzima ngoba belikhulelwa ngeleZPC Kariba ikakhulu ekuqaleni komdlalo kodwa umqeqetshi welo uHendrik Pieter de Jongh uthe okuqakathekileyo yikuba bafinyelele kufinal.

“Kusemi-final akudingakali ukudlala ibhola elibukekayo kodwa okuqakathekileyo yikudlulela phambili kusigaba esilandelayo, ngakho ke mina ngiyajabula ngempumela yanamhlanje njalo labadlali bami ngibatshayela ihlombe,” kutsho u-deJongh.

please wait

No media source currently available

0:00 0:02:55 0:00

Ngokwakuqala ukuba iqembu leHighlanders lingene ku-final yeChibuku selokhu lumncintiswano uvuselelwe ngomnyaka ka2014.

Iqembu leNgezi Platinum yilo eliphakamise inkezo yeChibuku Super Cup ngo2016.

Bekulomdlalo owodwa oweCastle Lager Premier Soccer League ngempelaviki lapho iqembu leChicken Inn elinqobe khona eleTriangle nge2 ka 1.

Limpumela itshiye iqembu leChicken Inn selihlezi endaweni yesibili engalaneni yemiklomelo njalo litshiywa ngemiklomelo emibili liqembu leCAPS United, okuyilo elihlezi esiqongweni.

Iqembu leChicken Inn lilemiklomelo engamatshumi amane lathobamunwemunye kuthi iqembu leCAPS United lilemiklomelo engamatshumi amahlanu lowodwa.

Kusele imidlalo emihlanu ukuba imidlalo yePSL ifike komlindi uyacina njalo akukacaci ukuba yiliphi iqembu elizaphakamisa isicoco lonyaka phakathi kweCAPS United, iChicken Inn, FC Platinum, kanye leZPC Kariba.

Lasemsileni wengalane lakho yisipunepune lapho amaqembu abalisa eleYadah, eleMushowani Stars, eleHwange, Herentals, eleTelOne, eleBulawayo Chiefs, eleHarare City, eleTriangle, eleManica Diamonds lele Chapungu engamanye amaqembu asengozini eyokugunyulwa kusigaba saphezulu.

Facebook Forum

XS
SM
MD
LG