Umongameli Emmerson Mnangagwa izolo ntambama ufungise abaphathintambo abatsha ababalisa uMnu. Jenfan Muswere osekhokhela ugatsha lwe Information Communication Technology, Postal and Courier Services, kanye loMnu. Daniel Garwe ozahola ugatsha olutsha olwe National Housing and Social Amenities.
Abasekeli babaphathintambo bengatsha ezehlukeneyo abafungisiweyo njalo izolo babalisa uNkosikazi Marian Chombo, laboMnumzana Dingumuzi Phuthi, David Musabayana, Tinoda Machakaire, Clemence Chiduwa, lo Raymore Machingura.
Kusenjalo, abanye belokhu besola ukukhutshwa kukaMnu. Cain Mathema kugatsha olubona ngokwenzakala ekhaya olweHome Affairs esiwa kwelezemfundo, besithi yikwephula isivumelwano seUnity Accord esasayinwa libandla leZAPU leleZANU ngomnyaka ka1987 sakufaka sobala ukuthi lolugatsha luzamele luhlele luphiwa amalunga avela kubandla le Zapu.
Owalwa kumpi yenkululeko ekuviyo leZIPRA uMnu. Max Mnkandla utshele uSithandekile Mhlanga we Studio Seven okunengi ngaloludaba.