Namuhla lilanga lakuqala lokwethulwa kobufakazi bokuzama ukususa uMongameli weleMelika, uMnu. Donald Trump ngomthetho wedale lephalamende othiwa yi impeachment ngesilungu, emphakathini.
Intathelizindaba zizavunyelwa okwakuqala okuzakwqenza uzulu enelise ukulandela ubufakazi obuyabe buphiwa yiziphathamandla zikahulumende labanye abalolwazi ngokufumbathisa okwakufuna okuthiwa kwakufuna ukwenziwa nguTrump.
Ubufakazi obukhona bebusethulwa nsitha kumakhomidid edale lephalamende kodwa kusukela namhla uzulu usezazizwela yedwa kubafakakazi abazethula ubufakazi bokuthi mpela uTrump wancitsha ele ukraine uncedo lwemali nxa lingadinganga udaka lokubhica uMnu. Joe Biden ongomunye ofuna ukuncintisana laye kukhetho lomnyaka ozayo.
Lokhu kwenzakala uBiden elokhu ekhokhela amalunga ebandla lama Democrats afuna ukuncintisa kukhetho.
Ukuhlaziya loludaba sixoxe sisoxe lesizalwane se Zimbabwe esihlala ngapha kweleMelika, uMnu. Mandla Mkhwananzi saqala ngokumbuza ukuthi uwubona njani umjaho wabancintisanayo kukhetho lwama primaries.
