WASHINGTON D.C —
Lanxa ibhanga elikhulu lelizwe eleReserve Bank of Zimbabwe lisithi amabhanga atholile imali entsha ngoMvulo, abanye abasebenzisa la amabhanga bathi abayifinyelelanga limali izolo njalo baphiwe ingcosana yama bond notes njengensukwini.
Ibhanga leRBZ lethule imali yesilinganiso se $2 dollars, $5 dollars, le $2 dollars yamatshe ezasetshenziswa ndawonye leyama bond notes, evele ikhona, ngenjongo yokuqeda ukusilela kwemali.
Usomabhizimusi uMnu. Abednico Bhebhe, njalo ongumkhokheli yabaqatshi abakumsebenzi wezimota, eye Motor Industry Employer's Association of Zimbabwe uthi ngomunye ongayitholanga limali njalo uchasisa umbono wakhe ngaloludaba, kungxoxo ayiqhube loSithandekile Mhlanga weStudio 7.
