Umphathintambo wezemali uMnu. Mthuli Ncube namuhla uzethula uluhlu oluhlela indleko zikahulumende ezomnyaka ozayo, i2020 National Budget. Inhlanganiso ezimela izisebenzi ezigoqela iZCTU leZIMTA zithi uMnu Ncube kumele aphe ingatsha ezifana lolwezemfundo, olwe-social welfare kanye lolwezempilakahle imali enengi.
Zithi njalo kumele uNcube aphe izisebenzi zikahulumende imali ethe xaxa ukuze zengezelelwe iholo.
Odokotela sebelenyanga ezimbili bekhalale umsebenzi phezu kodaba lweholo kanti lababalisi labo kabasayi emsebenzini nsuku zonke ngoba besithi baswela imali yokugada amakhombi lamabhasi.
UNtungalimi Nkomo weStudio Seven uxoxe lengcwethi kwezenotho uMnu. Reggie Shoko waqala ngokumbuza ukuthi kuyini uzulu amele akukhangelele kuliBudget ethulwa ngesikhathi ilizwe lisebunzimeni oobukhulu kwezomnotho?