amalinks wokungena

Breaking News

Uzulu Ucunulwa Yimfanekiso Yamaqubaquba Emali Entsha Ezitaladeni Khona Emabhanga Ingatholakali Lula


Imali entsha
Imali entsha

Uzulu sechothoze imisebenzi yenkohlakalo athi yenziwa ngamabhanga kulandela imbiko yebhanga elikhulu lelizwe eleReserve, elazise izolo ukuthi abantu ababili ababonakale emifanekisweni belamaqubaquba emali entsha kuliviki isanda kwethulwa babeyithethe emabhanga amabili ngamunye abalisa iEcobank leCBZ.

Embikweni wakhe, usibalukhulu weBRZ uMnu John Mangudya uthe iCBZ yanikeza oyedwa i$44, 000 kwathi iEcobak yona yapha omunye i$15, 000.

Ibhanga elikhulu lelizwe liqale ukuphenya loludaba ngemva kokusabalala kwemifanekiso ebiveza abantu laba belenqwaba yemali.

Okuthukuthelise uzulu lebhanga leli yikuthi imali le ibisanda kwethulwa ingakafinyelelwa ngabanengi kanti njalo lamabhanga ebesipha umuntu ngamunye amadola aphansi kwalikhulu ngelanga.

UMangudya uthi udaba lolu solungenelwe ngamapholisa. Uxwayise amabhanga ukuthi abazatholakala besephula umthetho ngalindlela bazajeziswa.

Sixoxe lesiphathamandla senhlanganiso elwela amalungelo eyeIbhetshu Likazulu uMnu Mbuso Fuzwayo yena othi udaba lolu luveza sobala imisebenzi yenkohlakalo enziwa ngamabhanga.

please wait

No media source currently available

0:00 0:02:48 0:00


XS
SM
MD
LG